music cana

كل ما هو جديد وحصرى


    نصايح للبنات

    شاطر
    avatar
    Mr.eslam elgzar
    الحج صاحب البيت
    الحج صاحب البيت

    عدد المساهمات : 127
    تاريخ التسجيل : 03/03/2010
    العمر : 28
    الموقع : http://music14.mazikaraby.com

    نصايح للبنات

    مُساهمة من طرف Mr.eslam elgzar في الأحد مارس 07, 2010 8:30 pm

    نصايح للبنات

    دي شوية نصايح للبنات وخصوصا للبنات الي معانا هنا في المنتدى

    ربنا يوفقكم وكل واحدة منكم تتجوز وتخلف وتشوف ولادها وولاد ولادها

    عايزك ياختي انتي وهي تعملي الي بقولك عليه بالحرف

    ماتفضحوناش انا راجل وعارف الرجالة بيحبو ايه

    يعني تسمعي الكلام ياختي منك ليها وماتكونيش هبلة

    ودي يا ستي شوية نصايح من عمك أحمد فؤاد

    أولا : الولد بيحب البنت الرقيقة

    رفّعوا صوتكم يا بنات

    و أول ما تشوفى حاجه وحشة .. سورقى (يغمى عليكى ) من كتر الرقة يعني

    عيطى كتير . العياط دليل على الاحساس المرهف . أوائيله .. نكدى عليه الليلة .

    ثانيا : الولد بيحب البنت الرومانسية ... سبّليله

    اسرحي كتير

    كلميه عن القمر و حاجات من دى

    قوليله شايف القمر يا عتريس .

    لازم تكونى هيمانة و انتى بتتكلمى و يكون صوتك واطى ..

    يادوب وشوشة

    ثالثا : الولد بيحب البنت المؤدبة

    قولى له انه اول واحد فى حياتك حتى لو كنتى متجوزة قبل كده و حامل فى توأم..

    و لو سأل على انتفاخ بطنك قولى له كيس دهنى

    و لو عارف و متأكد انه كان ليكي علاقات كثيرة زيه

    ردي عليه : دى كلها اشاعات ده هما اللى كانوا معجبين بيا لكن انا ولا سألت فيهم كلهم

    رابعا : الولد بيحب البنت الاستايل style

    كل ما تشوفى حاجه جديدة قلديها .

    يقولوا الموضة الشعر الاصفر .. اضربيه اصفر ..

    الموضه القصير .. قصّريه ..

    مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..

    دى بتغير منك و مش عايزاكى تبقي على الموضة .

    ملحوظة : لو مش عارفة ايه الموضة اختارى لك واحدة معينة او مذيعة و قلديها .. خليكى
    نسخة منها .

    خامسا : الولد بيحب البنت الدلوعة

    ادلعى ياختي انتي و هيّ . ما تبقوش دكر .

    سادسا : الولد بيحب البنت الجذابه اللى بتكون محور اهتمام الآخرين

    فهميه ان فيه تانيين كتير معجبين بيكى

    و قولى له : ارجوك اوعى تغير انا حواليا كتير .

    ولا بيهمنى أبدا منهم ايه يعنى اكون حلوة فى عينهم .

    ألّفي قصص وهمية عن الأولاد الهيمانين فيكي و اللي انتى مدوخاهم بسحرك و جمالك .

    سابعا : الولد بيحب البنت اللى بتحسسه برجولته و تحسسه بنفسه

    ايه ده ! .. ايه العضلات دى كلها .. دى احلى عضلات شفتها فى حياتى .

    يا سلام !! ايه الشياكة دى كلها . انت أشيك ولد شفته فى حياتى .

    مش مهم هو لابس ايه .. انبهرى و خلاص

    يا سلام !! انت تقاطيع وشك حلوه بشكل ( حتى لو كانت ملخبطه )

    و طول مانتى قاعده اشكرى فيه.. خليه كده قاعد نافش ريشه . و مزأطط ع الاخر.

    ثامنا : اتمحكى فيه ( الزقي له ) خليكى دايما معاه

    كل شويه كلميه فى التليفون بأى حجّة . قابليه فى كل حته يروحها . إعملى عليه كمّاشة . بحيث

    مايعرفش يفلفص منك و لا يشوفش غيرك ادامه روحيله الشغل واكبسي عليه مع السكرتيرة

    تاسعا : عددى مواهبك

    اكلك لازم مظبوط

    قوليله انا ملحي فى الاكل لا كتير ولا قليل وبعمل شاى سكر زياده . وبلون البيض المسلوق .

    عاشرا : رغم حبك الشديد للحرية والانطلاق

    قوليله انت مالك وقتى وتفكيرى

    مش عارفه اعمل حاجه الا انى افكر فيك

    مليت عليّا ايامى شغلت ليّا الزمن


    النتيجة :
    لو الولد وقع فى دباديبك و قال عاوز يرتبط بيكى : اوعى تقولى ايوه !


    لااااا .. اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتتقليش

    العيار ليطير منك

    لو الولد ما سألش فيكي و لا عبرك . و لا أخد باله منك أصلا

    يبقى بنت تانيه سبقتك ليه .

    ملحوظة : كررى الخطوات من 1 - 10 مع ولد تانى بعد جمع معلومات و عمل تحريات

    عنه و التأكد من انه فاضى . غير مرتبط ..


    *-*-*-*-*-*-*-*-*-*-*-*-*-*-*-*-*-*-*-*-*-*-*

    avatar
    نادين احمد

    عدد المساهمات : 28
    تاريخ التسجيل : 03/03/2010
    العمر : 25
    الموقع : http://music14.mazikaraby.com

    رد: نصايح للبنات

    مُساهمة من طرف نادين احمد في الإثنين مارس 08, 2010 7:29 am

    ههههههههههههههههههههههههه ماشي ياسمسمتي بنعمل الحاجات دي من غير ماتقول ياخويا ونصايحاك ع دماغنا من فوق بس هتجيب نتيجه ياشيخ

    بس انت زي العسل شكلك واحده عملت عليك الحوار ده
    avatar
    dodo
    مشرف
    مشرف

    عدد المساهمات : 144
    تاريخ التسجيل : 03/03/2010
    العمر : 22

    رد: نصايح للبنات

    مُساهمة من طرف dodo في الإثنين مارس 08, 2010 12:32 pm

    هههههههههههه ايه ده يا اسلام بقى بذمتك دى نصايخ ده دى نفاق بس نايس توبيك يا لوما يا قمر
    avatar
    ملاك الحب

    عدد المساهمات : 162
    تاريخ التسجيل : 06/03/2010
    العمر : 32
    الموقع : القاهرة

    رد: نصايح للبنات

    مُساهمة من طرف ملاك الحب في الأربعاء مارس 17, 2010 6:53 am

    حلو اوى الكلام ده بس مبقاش يمشى اليومين دول الصراحة مفيش احسن منها

      الوقت/التاريخ الآن هو الأربعاء ديسمبر 13, 2017 8:06 am